Aranoarrak izan dira goiztiarrenak Inauteriak ospatzen. Larunbatean izan ziren Inauteriak bertan, eta gogotik ospatu zuten Zomorroen egun haundia. Goizean etxez etxeko bisita egin zuten, Izer eta Alabierren laguntzarekin. Bazkalostean, urteroko Zahagi dantza egin zuten, eta 'Kontua eta zikina' ikuskinarekin borobildu zuten eguna, Ixabel Agirresarobe Arzallusen eskutik.
Eguraldia lagun, giro ederra sortu zen antolatutako jarduera guztietan, eta bizilagunak gustura aritu ziren festan.