Tradizioari jarraituz, Arano herriak San Roke eguna ospatuko du datorren asteazkenean, abuztuaren 16an. Ohitura den bezala, Santua gurtzen duen ehun urteko baseliza txiki geratuko da, herri mugakideetatik eta Aranotik bertatik Meza Santura joaten den jende guztia hartzeko.
San Roke egunean txistuaren presentzia Hernanitik Antsorena eta Zubillaga txistulari hernaniarrak festara oinez joaten ziren garaitik dator.
Urte askoan txisturik gabe egon ondoren, 1970garren urtean Antonio Intsausti Txobito txistulari hernaniarra izan zen, Joxan Ruizen laguntzarekin ohiturari berriro heldu ziona.
Txobito Hernaniko txistulari gazteekin batera hasi zen. Urteekin txistulari kopurua haundituz joan zen eta urtez urte hainbat tokitako txistulariak joaten dira jaian parte hartzera.
Aurten Hernani, Goizueta, Leitza, Elorrio, Zarautz, Pasaia, Areso, Araba eta abarretako txistulariak etorriko dira, egun honi alaitasuna eta musika eskainiz. Eguerdian kalejira izango da herrian zehar.
14:30etan herri bazkaria egingo da Kontsejupean. Parte hartu nahi duenak izena eman beharko du aipatutako Aranoko Kontsejupera deituz.
EGITARAUA
ARANO
ABUZTUAK 16, SAN ROKE
10:00 Herriko plazan txistularien elkarretaratzea.
10:20 Txistulariak San Roke baselizara abiatuko dira eta ongietorria egingo zaie mezara joaten direnei txistuaren doinuan.
10:30 Aranoko Elizako kanpandorretik jaiaren hasiera iragarriko da kanpai-hotsekin
11:00 Meza baselizan San Roke santuaren omenez.
11:45 Meza amaitu ondoren, baselizaren ondoan hamaiketakoa, txistulariek animatuta. Ondoren kalejira herrian zehar.
14:30 Herri bazkaria Kontsejupen.
18:00 Jaiaren amaiera Agur Jaunak eta Andreak doinuarekin.