Sute haundia izan zen asteartetik asteazkenerako gauean, Aranon: Gaztazenea etxean piztu zen sua, gauerdia baino lehen; eta goizaldera arte ezin izan zuten kontrolatu, Goizuetako suhiltzaile boluntarioek, eta Donostiako eta Cordovillako parkeetatik gerturatutako suhiltzaileek. Ez zen zauriturik izan, baina etxea guztiz erreta geratu da.
Atzo arratsaldean, suhiltzaileek bertan jarraitzen zuten oraindik, teilatuaren saneamendu lanetan nagusiki. Eta gau osoan zehar, herritarrak aritu dira txandaka zainketa lanetan, pizten ziren txinpartak itzaltzen, hego-haizeak zabaldu ez zitzan. Lan horretan jarraitzen dute.