Emakumeen Nazioarteko Egunaren bueltan, martxoaren 8rako antolatutako ekintzez gain, beste hainbat egitasmo ere zehaztu dituzte Aranon datozen egunotarako. Hain zuzen, martxoaren 12an, larunbatarekin, arratsalde ederra izateko parada izanen dute aranoarrek.
Ipuin-kontaketa, dokumentala eta emakumeen afaria
Denera, hiru jarduera zehaztu dituzte egun larunbaterako. Batetik, arratsaldeko 17:00etan hasita, Berdintasuna maite dugulako ipuin kontaketa izanen da 5 eta 10 urte bitarteko haurrentzat. Bestetik, Berdintasun batzordeak antolatuta, Zauriak dokumentala proiektatuko dute 19:00etan. Eta, azkenik, eguna ezin hobe amaitzeko, herriko emakumeak elkartu eta afaria eginen dute elkarrekin, 21:00ak aldera hasita. k