Olatz Zugasti hernaniarrak Mairu baratzetan kantuaren bideoklipa kaleratu berri du, eta dagoeneko ikusgai dago plataforma digitaletan (YouTuben, kasu). Hernaniarrak dio, kantu honekin Aranora, hau da, aitonaren herrira itzuli dela. Bideoklipa, hain justu, Aranon dago oinarrituta; eta irudietan, mairu baratzez edo cromlechez gain, herria bera eta inauterietako xomorroen marrazki abstraktuak ikus daitezke.