Larunbata izan zuten Inauteriak ospatzeko eguna, Aranon. Goizean goiz, 08:00etan jarri zuten hitzordua zomorroek, Beltsoko bordan, eta Izer eta Alabierren trikitixa eta pandero doinuek lagunduta ekin zioten puska biltzeari eta dantzatzeari. Eguzkiak bezainbeste argitu zituzten bazterrak jantzi koloretsuek, eta epeltasun horrek lagunduta gustora eta giro ezin hobean egin zuten buelta, txokorik txoko. Bazkaritan indarrak hartuta, gaztetxoenek hartu zuten erreleboa arratsaldean, Zahagi Dantzan.