Zita bikoitza jarri dute gaur, aranoarrek, Maisuenean. Eta zehazki, bi bilera eginen dituzte, goizeko 11:00etan hasita. Inauteriei buruzkoa izanen da aurrenekoa, eta Guifinet sareari buruzkoa bigarrena.
Goizeko 11:00etan bilduko da festa batzordea, Inauteriak antolatzen hasteko. Otsailaren 15ean ospatuko dituzte aurten, eta eguneko ekintzak prestatzen hasiko dira, gaurko bilerarekin. Irekia izanen da saioa, eta interesa duten guztiek azaldu daitezke, parte hartzera.
Bazkidetzak sinatzeko zita, Guifinet proiektuan
Eta ondoren, Maisuenean bertan, eguerdiko 12:00etan jarri du hitzordua Jalki Kultur Elkarteak, Guifinet proiektuari buruz aritzeko.
Batetik, bazkidetzak sinatzeko baliatuko dute bilera, Guifineten parte hartuko dutenek. Eta bestetik, proiektuaren egungo egoerari buruz informatzeko baliatuko dute saioa. Internet sarea herrira helaraztea da proiektuaren helburua, eta dagoeneko Suro auzora iritsi dena, herri osora zabaltzea.