Urteko kultur ekintzekin bukatzeko, arratsalde eta gau pasa berezia egiteko proposamena luzatu zuen Jalki Kultur Elkarteak inuzenteen egunerako. Aurrena, Hernanitik Napardeath pelikulako egile eta protagonistetako batzuekin solasean aritzeko aukera izan zen, pelikula ikusi ondoren. Segidan, elkarrekin afaldu zuten giro goxoan. Eta bukatzeko, Atopia rol jolasa probatzeko aukera izan zen. Euskeraz sortu den aurrenekoa da, eta eskuragarri dago: erosi egin daiteke
www.atopia.eus webean.