Aranon ohitura zaharrei eusten diete eta asteburu honetan San Martinetako ekitaldiak antolatu dituzte. Bi dira nabarmentzekoak. Alde batetik Baratze kritikoa erakusketa egongo da ikusgai larunbatean eta igandean. Larunbatean 10:00etatik 14:00etara ikusi ahalko da eta igandean ordu horretan bertan eta 17:00etatik 20:00etara.
Gaur bideo emanaldiak irekiko du erakusketa
Erakusketa gaur irekiko da, 19:00etan, bideo emanaldi batekin eta larunbatean Iñaki Perurenarekin Harria, maitasun istorioa kontakizuna egongo da, 18:00etan, Maisuenen, eta ondoren erakustaldia egingo du Iñaki Perurena berak.