Ganbara Gunea

Kontzertu akustikoarekin irekiko da gaur, Ganbara gunea

Ane Iturbek eta Xabier Arratibelek jarriko dute musika, 19:00etan. Espazioa bisitatzeko aukera ere izanen da. Lanerako espazioa izanen da.

Kontzejua eta udal bulegoen gainean dago Ganbara, eta Uda­lak egokitu egin du, zortzi lagunentzako lantoki bihurtzeko. Gaur inauguratuko da, Ane Iturbek eta Xabier Arratibelek 19:00etan emanen duten kontzertu akustikoarekin. Herri­tarrek espazioa bisitatu ahal izanen dute.


Dagoeneko, martxan

Herrian etxetik lan egiten du­tenentzat espazio partekatua sortu nahi izan da Ganbara martxan jarrita, jarduera desberdinetan aritzen diren profesionalek elkarlanerako au­kera izan dezaten, «sinergiak sortu eta herriari begira dauden proiektuak sortzeko».
Lan mahaia, internetera konexioa, argindarra, berogailuak eta komuna izanen dira bertan, prezio itxi baten trukean. Edonori irekitako es­pazioa da. Dagoeneko mar­txan jarri da, eta Alaiondo estudioko kideak daude bertan, baina parte hartu daiteke, Udalera deituta (948 51 40 45).