Ezin bukaera hobea eman zieten Santio jaiei, atzo, Aranon eta Astigarragan. Eguraldia lagun, giro ederra izan zen.
Aranon, bereziki, sekulako eguna bizi zuten. Jendetza bildu zen goiz-eguerdian, herritarrek ferian eskainitako gutizia gazi eta gozoekin gozatzeko. Nolako arrakasta! Eta tortilla lehiaketa ere egin zuten: Gabrielek jaso zuen aurreneko saria, eta Mari Josek bigarrena.
Baina feriarekin ez zen bukatu festa; ezta urrutitik ere! Ikaragarrizko apar festa prestatu zuten arratsaldean, futbol zelaian, eta gustora asko aritu ziren denak!
Astigarragan, urezkoa izan zen festa, goiz eta arratsalde, eta primeran pasa zuten gaztetxoek, urez betetako jolas parkean. Eguerdian, Tio Teronen Semeak taldearen dantza ikuskizunak erakarri zuen jendea; eta arratsaldean, Errumaniako jaki eta dantzekin gozatu zuten.
Aranoko zein?Astigarragako Santio jaien argazkiekin, egunez eguneko albumak daude, Iruditan atalean.