Maitane-Nagore eta Eider-Kris, Pala Txapelketako finalistak

Badauzka finalistak, nesketan behintzat, Aranoko Pala Txa­pel­ketak. Joan den larunbatean jokatu zituzten haiek, li­gax­ka eta semifinalak; eta Maitane eta Nagore aranoarrak ariko dira finalean, Eider eta Krisek osatutako bikotearen kontra.

Sei bikote aritu ziren jokoan, bi multzotan banatuta. A multzoan aritu ziren finalean ariko diren biak, Idoia eta Ira­txerekin batera; eta tanteoagatik sailkatu ziren semifinaletara, hiru bikoteek lortu bai­tzuten garaipen bana.

B multzoan, berriz, bi partiduak irabazi zituzten Mai­ta­nek eta Emerenek, eta Ama­iak eta Naroak bestea, Marijo eta Aioraren kontra. Baina se­mifinaletan, A multzoko bi bi­kote sail­katuak nagusitu zi­ren: Eiderrek eta Krisek 22-11 irabazi zieten, Maitane eta Eme­re­ni; eta Maitanek eta Nagorek 22-7, Amaia eta Naroari.

Horrenbestez, finalean to­patuko dira berriro, Eider-Kris eta Maitane-Nagore (aurrenekoek irabazi zuten ligaxkan, 16-11); eta 3garren posturako le­hian ariko dira Amaia-Naroa eta Maitane-Eme­ren.

Etzi jokatuko dira mutilen ligaxka eta kanporaketak; eta uztailaren 21ean, final guztiak.

Mutilen partiduak, etzi

Uztailaren 21ean jokatuko dira bi partidu horiek, 11:00etan ha­sita. Eta baita mutilenak ere.

Haien kasuan, etzi jokatuko dira ligaxkako partiduak eta kanporaketak, goizean eta arratsaldean. Guztira, zortzi bi­kotek hartuko dute parte.