Aranoarrak mobilizatu egin ziren atzo, Udal eta Foru Hauteskundeetan. 98 herritar zeuden bozkatzera deituak, eta 66ek eman zuten botoa. Herri Aiherriz plataformak irabazi zuen, 57 botorekin; %86,36a jasota. Txuri 8 herritarrek bozkatu zuten; eta boto bat nuloa izan zen. UPN alderdiak ez zuen boturik jaso, Aranoko Udalerako.
Botoei dagokienean, Ainhoa Ansak 51 jaso zituen; Xabier Legarretak 47; Maider Ansak 52; Joxan Ruizek 49; eta Maitane Sarobek 24.
Partehartzea, haundiagoa
Datu esanguratsua izan zen atzo, aranoarren partehartzea. Izan ere, botoa ematera gerturatu ziren %67,43a; 2011n %42,11 izan zen.
HERRI AIHERRIZ:
Ainhoa Ansa
«Eskerrik asko parte hartu duten guztiei»
Gustura dago Ainhoa Ansa, aranoarren erantzunarekin eta eskerrak eman nahi dizkie guztiei, Herri Aiherriz plataformari erakutsitako konfiantzagatik: «jende asko gerturatu da eta urduri sumatu ditugu. Balorazioa positiboa da, jendearen erantzuna polita izan baita. Eskerrak eman behar ditugu parte hartu izanagatik. Aurten bi alderdi zeuden Aranon, UPN eta Herri Aiherriz, eta herrian bizi ez denak kabidarik ez duela ikusi da aranoarren erantzunarekin Kontuan izatekoak dira, baita ere, 8 boto txuriak, eta boto nuloa. Horrek esan nahi du gurekin deskontentu daudela. Horiei erakutsi beharko diegu datozen lau urtetan zerbait txukuna egin daitekeela».
EH Bildu, Parlamenturako
Aranoarrek ere eman zuten botoa Nafarroako Parlamenturako: EH Bilduk 35, UPN 6, Podemos 11, Coalicion Canabica 1, Geroa Bai 10, Libertad Navarra 1, txuriak 2.