Batez ere instrumentua aukeratu behar duten haurrei zuzendua, musika eskolako irakasle eta ikasleek eskainiko duten kontzertuaren bidez eskolak eskaintzen dituen musika tresna guztiak aurkeztuko dira bertan.
Doakoa. Izen-ematea: emakumeonetxea.astigarraga@gmail.com
San Isidro eguna ospatzeko Eider abeslariak (Nøgen taldeko kide ohia) eta Modus Operandi taldeak kontzertua eskainiko dute. Doakoa.
Amorante, Iban Urizar musikariaren proiektua da. 2014az geroztik, han hemenka dabil emanaldiak eskaintzen eta musika sortzen. Herritik ateratzen den musika erabiltzen du helduleku bezala, errotik ateratzen ditu musika ezberdinen sustraiak, gero erraietatik kontatu ahal izateko. Harri herri har azken diskoa aurkeztuko du. Herritik, errotik eta erraietatik sortzen da Amoranteren musika. Amorantek tronpeta jo dezake dena beltzez margotzeko, kopla bat autotunearekin abestu dezake osabaren izpirituari deitzeko, elektronikaz busti dezake aspaldi ahaztutako hitzak gogoratzeko. Bere musikaren jatorria urruneko oihartzunek dakarte, baina gaur egungo haizea darabil bere buru, eztarri eta ezpainetan. Sarrerak: 8 euroan, maiatzaren 2tik aurrera