Asteartean abiatu zen junior mailako Iruñerriko XXXIII. Itzulia, eta bertan izan dira Enekoitz Azparren eta Telmo Semperena astigartarrak, Goierriko eta Donosti Berri taldeekin, hurrenez hurren, eta Ibai Rodriguez hernaniarra, Donosti Berrirekin, baira ere. Kordobilatik abiatu ziren, eta Etxarri Aranazen, Sarrigurenen eta Iruñean bertan egin dituzte lau etapak.
Semperenak 26garren bukatu du sailkapen orokorrean, Rodriguezek 30garren, eta Azparrenek 38garren.
340 kilometro, lau egunetan
Aurreneko etapan 84,95 kilometro egin behar izan zituzten txirrindulariek, eta Arangureneko gaina igo. Ondoen Semperena moldatu zen, 15garren egin baitzuen. Donosti Berriko kide hernaniarra, Rodriguez, 48garren izan zen, eta Azparren astigartarra, 52garrena.
Bigarren egunean Etxarri Aranaztik abiatuta egin zituzten 88 kilometro, eta La Cadena eta Unanu gainak igo behar izan zituzten. 27garren egin zuen Rodriguezek, 31garren Semperenak, eta 46garren Azparrenek.
Sarrigurenetik abiatuta 79,94 kilometroko ibilbidea izan zen hirugarren egunean egin beharrekoa, tartean, Aoiz eta Txoribar gainak igota. Semperena 18garren izan zen;? Rodriguez, 22garren; eta Azparren, 32garren.
Azken egunean, Iruñam bertan egin zuten azken itzulia, 86,48 kilometrokoa, Cia gaina barne. Azparren izan zen, kasu honetan, hiruretan azkarrena: 31garrena. 48garren egin zuen Rodriguezek eta 57garren Semperenak.
Guztia kontuan hartuta, sailkapen orokorrean 26garren izan zen Telmo Semperena. Donosti Berriko kide hernaniarra, Ibai Rodriguez, 30garren izan zen. Eta Goierriko taldeko Enekoitz Azparren astigartarra, 38garren.