«Beti bezain anitza eta aberatsa», aurtengo San Joan jaietako menua

Bost eguneko festa, «beti be­zain anitza eta aberatsa» izan­go den egitarauarekin. Horrela aurkeztu zituen San Joan jaiak atzo, Koro Etxeberria kultura zinegotziak. Eta aditzera eman zuen, Ozenki abesbatza izango dela aurtengo omendua, jaiei hasiera emango diena, bere 25garren urteurrenean: «giro po­lita daukagu taldean», na­bar­mendu zuen Imanol Kamiok, «eta horregatik jarraitzen du­gu. Ez genuen halakorik es­pe­ro, baina oso pozik hartu dugu albistea», eskertu zuen.

Txupinazoaren aurretik, de­na den, bi Prelu­dioek egingo die­te ongietorria jaiei, egun haue­tan. Etzi izan­go da Pre­lu­dio Txikia, 19:00etan Atsegin­de­­gin, Hernani eta Kantuz mu­sika eskoletako ikasleekin, Inmaku­la­da, Lan­gi­le, Urumea eta Eli­za­txo eskole­ta­koekin, eta Ttar­la­ko dantzariekin. 

Preludio nagusia, berriz, la­runbat gauean izango da, Pla­zan, 22:30etan. Eta aur­ten, Alboka folk taldea izan­go da gon­bidatu berezia, bere 25ga­rren urtebetetzean: «beti bizitu dugu preludioa, eta oso esker­tuta gaude, aurten jotzeko au­kera izanda. Lau doinu eskai­ni­ko ditugu, eta bereziena da aurrenekoa, Fusi­la­tu zi­tuz­te­nei. Zoritxarrez, Allan Gri­ffinek ezingo du gurekin egon, eta Iker Lopez ariko da bere ordez», azaldu zuen Joxan Goikoetxeak.

Zenbait nobedade, eta berreskuratutako ekintzak

Ekainaren 23tik 27rako pro­gra­­mari dagokionez, zenbait ekin­tza nabarmendu zituzten, atzo­ko agerraldian. Kolore Guztiak elkarteko kideek, esaterako, azaldu zuten helduentzako tai­ler bat ere jarriko dutela 27an, haurren jolas eta tailerrekin ba­tera, elkarteko gazteekin «esperientziak elkarbanatu eta haien errealitatea ezagutzeko».

Agurtzane Aizpuru kultura zinegotziak, bestalde, aipatu zuen mariatxiak berreskuratu dituztela, «hainbestetan eskatu digutena»; eta ohiko txarangez gain, Koadrilen Egunerako Elek­trotxaranga antolatu due­la Kontrakantxa gaztetxeak.

Emanaldien artean, Leki­tto­ko Deabruak taldearen piro­tek­nia kale ikuskizuna nabar­mendu zuen Koro Etxeberriak; eta azaldu, parte hartu nahi dutenek arropa zaharrarekin joan behar dutela; ikusleek ez.

San Joan Konpartsak ere, jakinarazi zuen aurtengo kon­partsaren gaia: 1850-1960 urte­e­tako Hernani, demografia, ne­kazaritza, industria... atalak landuz. Karrozan, irudikatuko dituzte poxpolo fabrikak: «Her­nanin egon ziren, eta jendeak ez daki. Garai bateko etikete­kin, pox­­polo kaxak ere egingo ditugu, eta salgai jarri». Gai­ne­ra, Pla­za­ko ekitaldian, Iñaki Usandizaga omenduko dute.

Eta azkenik, Bilgune Femi­nistatik azaldu zuten, eraso se­xisten kontra prestatu dutena, Emagin elkarte feministarekin eta Udalarekin: haima bat jarriko dute 23an eta 25ean Pla­za Berrin, protokoloa eta infor­mazioa zabaltzeko; eta 24 orduko telefono arreta jarriko dute martxan, ekainaren 22ko gauerditik: 688 685 164. Eskatu dute, zerbait gertatu baina la­guntzarik ez behar izan arren ere deitzeko, «erregistratuta ge­ratu dadin, eta herriko errea­litatea ezagutu dezagun».

Jaien hasiera edo bukaera balkoitik ikusteko, 12 toki

Bestalde, aurten ere emango du aukera Udalak, jaien hasiera edo bukaera udaletxeko bal­koi­tik ikusteko. Hamabi toki dau­de guztira, sei jaien hasiera­ra­ko, eta beste sei bukaerarako. Eta horietatik, zortzi erreser­ba­tuko dituzte gurpildun aul­ki­an dabiltzan pertsonentzat.

Izenematea zabalik dago, ekainaren 18ra arte, udaletxe­ko Herritarren Harrera Zerbitzu­an. Zozketa hilaren 20an egingo dute, 12:00etan, parekidetasun irizpidea kontutan hartuz. Eta saritutako bakoitzak, beste per­tsona bat eraman dezake.