Kronikalarien babesaren bila dabil Kronika; kanpaina berria jarri zuen abian urte hasiera aldera, eta orain, bigarren fase bat hasiko da. Urumea Bailarako edozein denda edota enpresengana iritsi nahi du.
Gizarteko eremu guztiak
Kronikalari izatea publizitate eskaintzaz haratago dijoan proposamena da, nolabait, Kronikaren proiektuari babesa emango diona.
Eskaintza honekin, gizarteko eragile guztiei eskainitako laguntzaile-kanpaina osatu nahi du Kronikak: pertsona fisikoei zuzendutakoa, taldeena, eta denda eta enpresena.
Bi kuota ezberdin
Azkeneko hauentzat, hain zuzen, bi kuota ezberdin ezarri dira. Dendak 50 euroren truke egin daitezke Kronikalari; enpresek, aldiz, 200 euroko aportazioa egin dezakete, urtean. Dena den, enpresa edota dendaren errealitatearen arabera egokitu ahal izango dira.
Era berean, Kronikarekin urteko publizitate-kontratua dutenak, zuzenean bilakatuko dira Kronikalari, urte osoan zehar Kronikari ematen dioten babesagatik.
Interesa izanez gero, jarri gurekin harremanetan: 943 33 08 99.
Dedukzioa, sozietate zergan
Kronikalari egitean, Dobera Euskara Elkarteari borondatezko ekarpena egiten ari da edonor, izan pertsona fisiko edo juridikoa. Mezenasgoko lehentasunezko jarduera izendatuta dago, eta beraz, bonifikatuta dago. Enpresen kasuan, egiten duten ekarpenaren %18a sozietate zergan kenduko zaie.
Bilera-erronda, hasita
Kronika dagoeneko hasia da bilera-errondarekin; Urumea Bailarako denda eta enpresak bisitatzea izango dute helburu, elkar ezagutzeko.
Urumea Bailarako denda edo enpresa bateko kide bazara eta Kronikari ekarpena egiteko asmoa badaukazu, jarri gurekin harremanetan 943 33 08 99 edo kronika@kronika.eus bidez, eta bertaratuko gara proiektua aurkeztera.