Gipuzkoan jasoko dute enplegu zerbitzua, aurrerantzean, Nafarroako zenbait udalerritako bizilagunek; eta horien artean daude, Arano eta Goizuetakoak: Lasarte-Oriako Lanbideko bulegoan atendituko dituzte, lan-eskatzaileak.
Izan ere, akordioa lortu dute, Eusko Jaurlaritzak kudeatzen duen Lanbide Enplegu Zerbitzuak, eta Nafarroako Enplegu Zerbitzuko Zuzendaritza Orokorrak. Areso eta Leitzakoak Tolosan atendituko dituzte; eta Bera, Lesaka, Arantza, Etxalar eta Igantzikoak, Irunen.
Zerbitzuak baliatu ahal izateko, goizuetar eta aranoarrek ez dute Lanbiden izena eman edo alta egoeran egon beharko, ezta Euskal?Autonomia Erkidegoan erroldatuta egon ere. Nafarroako Enplegu Zerbitzuan mantendu behar dute beraien lan-eskaera.
Formakuntza, orientazioa eta bestelako zerbitzuak jaso ditzateke, Lanbiden bertan.
Formakuntza, orientazioa, lan-eskaintzak...
Lanbideko bulegoan, hainbat zerbitzu jaso ahal izanen dituzte: formakuntza ikastaroetan izena eman, bereziki langabezian daudenek; difusiozko lan-eskaintzak jaso; edota orientazioa eta bestelako zerbitzuak jaso. Azkeneko horietarako, aurrez eskatu beharko dute zita, Nafarroako Enplegu Zerbitzuaren egoitza elektronikoan (empleocitaprevia.navarra.es), edo 948 012 012 telefonoan.
Aldiz, ezinen dute Lanbideren bulegoetan egin, lan-eskaera berritzeko tramitea. Bertan jakinaraziko zaie, nola eguneratu dezakeen eskaera, Nafarroako Enplegu Zerbitzuaren web orrialdearen bitartez, helbide honetan.