ERGOBIAKO auzoak eta Astigarragako Udalak, hainbat bilera egin dituzte azken urte hauetan, «Ergobiako plaza oinezkoentzat izatea lortzeko helburuarekin».
Horrez gain, bilera hauetan ere, plaza nola itxi adostu dute, eta nola ez auzoaren inguruan aparkaleku gehiago prestatzeko proposamenak ere egin dituzte.
Hilaren 27tik aurrera, Ergobiako plaza oinezkoentzat
Ergobiko jaien amaierarekin batera, bertako plaza oinezkoentzat izango da, eta debekatuta egongo da ibilgailuak aparkatzea. «Udaltzaingoak neurri horri jarraipen zorrotza egingo dio» azpimarratu nahi izan dute bai Ergobiko auzoak, eta baita Astigarragako Udalak ere.
Zama lanetarako ordutegiak
Astelehenetik ostiralera bitartean, ordutegi bereziak egongo dira, zama lanetan aritzen direnentzako. Goizeko 8:30etatik eguerdiko 13:30etara bitartean aparkatzeko aukera izango dute.
Aldaketa honen eragileek, adierazi dute, neurri honek pertsona askoren ohitura aldaketak ekarriko dituela. Hala ere, jende askoren onerako izango dela azpimarratu dute, batez ere eremu horretan bizi direnentzat, edo inguru horretan bizi den ororentzat. Zehaztu dutenaren arabera, «ziur gaude Ergobiaren eta ergobitarren mesederako izango dela aldaketa».
Ergobiako jaien amaierarekin batera, Ergobiako plaza oinezkoentzat izango da soilik.
Beraz, hilaren 27tik aurrera, ezin izango da Ergobiako plazan ibilgailurik aparkatu. Eta neurri horri, jarraipen zorrotza egingo dio udaltzaingoak.