Badatoz Santiomendiko eta San Roke eguneko jaiak. Abuztuaren 15ean dianarekin esnatuko da Santiomendiko auzoa, eta egun osorako izango dute festa: tortila lehiaketa eta sagardo dastaketa, herri kirolak, sega eta aizkora desafioa, auzo bazkari eta afaria... Hurrengo egunean, berriz, San Roke eguna ospatuko da Santiomendiko ermitan, eta besteak beste, bazkari herrikoia egingo da 14:00etan. Txartelak Ikatza tabernan daude salgai. Aurretik meza, dantzariak eta Imanol Ituño magoa izango dira, eta ondoren, dantzaldia.