Gaur da Astigarragako kiroldegiko ikastaroetan izena emateko azken eguna. Bi eskaintza izango dira: alde batetik, haur eta gazteena, urriaren 1etik ekainaren 19ra bitartean izango dena, eta bestetik, helduena, irailaren 16tik ekainaren 19ra luzatuko dena.
Haur eta gazteen eskaintza, 5 eta 12 urte bitartekoei luzatu zaie. Hain zuzen, euren adinera egokitutako ikastaro?ak eskainiko dituzte; hala nola, Kids Zumba, Jump Fit, Ziklo Gaztea, AeroGym, Dantza Modernoak besteak beste.
Helduentzat ere, beste hamaika ekintza burutuko dira; tartean dira Aireko Pilatesa, Gimnasia 65tik gorakoentzat, Hipopresiboak, Fit Pump... eta ohikoak diren beste hainbat jarduera.
Helduen taldean, beste aukera bat ere badago, «konbiak» deitutakoa. Izenak dioen moduan, ikastaroen konbinaketa batean oinarrituz sortu duten ikastaro berria da. Aireko pilatesa, Bungee Air Fit eta Hipopresiboak izan ezik, beste ikastaro guztiak konbinatu daitezke. Astean hiru ordu, bi aukerekin: hiru egunetan egitea, hau da, egun bakoitzean ordubete; eta bigarren aukera egun batean bi ordu, eta bestean ordu bete.
Beraz, 2019-2020 ikasturtea indartsu hasi nahi duenak, gaur izango du izena emateko azken eguna. Kiroldegian bertan apuntatu ahal izango da, baita zalantzak argitu ere: bertaratuta, telefonoz (943 33 36 76) edo ?kiroldegia@astigarraga.eus, helbidean.