Aurtengoan ez dituzte Txinoko jaiak ohiko modura ospatu. Hala ere, egitarau txiki batekin girotu dute asteburua Zubiondo tabernan, eta herritar ugari bertaratu dira antolatutako jardueretara.
Ostiral iluntzean Mus Txapelketa egin zuten Zubiondon. Herriko bikote guztien artean, Beñat Apezetxeak eta Oier Apezetxeak osatutakoa izan zen onena, finalean Oier Mirandari eta Jon Urdanpilletari irabazita.
Larunbat arratsaldean, berriz, bertsolariak arduratu ziren giroa sortzeaz. Eguraldia lagun, jende ugari elkartu zen Zubiondoko kanpoaldean, eta gogotik aritu ziren kantuan Agin Laburu astigartarra eta Aitor Mendiluze.