Aurten ez dira Txinoko jaiak «bere horretan eginen», aditzera eman dutenez. Hala ere, ekintzarik ez da faltako, goizuetarrak jai giroan murgiltzeko, eta horretarako egitarau xume bezain entretenigarria prestatu dute, gaurko eta biharko.
Gaur gaueko 22:00etan, mus txapelketan parte hartzeko aukera izanen dute goizuetarrek, ohi moduan, Zubiondo tabernan.
Bihar, berriz, bertsolarien saioaz gozatuko dute bertaratuek. Agin Laburu eta Aitor Mendiluze ariko dira kantuan, eta arratsaldeko 19:00etan emanen zaio hasiera saioari.