Ostiral honetan emanaldia eskainiko dute Pirritx, Porrotx eta Marimotots pailazoek, Astigarragako Erribera kulturgunean. Lehenengo saioa arratsaldeko 17:00etan hasiko da, eta bigarren emanaldi bat eskainiko dute 19:00etan. Haurrek 3 euroren truke eskuratu ahal izango dute sarrera, eta helduenak 6 euro balioko ditu.
'Ez gara jaitsiko!' antzezlana eskainiko dute Astigarragan: «Marimotots zuhaitz baten adaburura igo da, han goitik lurra hobeto ikusteko. Pirritxek eta Porrotxek atzetik jarraituko diote. Eta zuhaitzez zuhaitz eta adarrez adar, espero gabeko lekuetara helduko dira».