Emaitza gazi-gozoak izan dituzte Hernaniko pelotariek pasa den astean. Bi partidu irabazi eta bat galdu zuten Gipuzkoako Trinketa Txapelketan: Anartz Oiartzabal eta Oihan Zugasti jubenilek 40-9 irabazi zuten Gaztelekuren aurka; Unai Alvarez eta Josu Oiagak 40-18 irabazi zieten tolosarrei, 2.mailako seniorretan; eta 1. mailako seniorretan, Xabat Pagola eta Endika Arizmendik, aldiz, galdu egin zuten 40-26 Behar Zanaren kontra. EHko Kluben Txapelketan 2-1 galdu zuten Oberena taldearen kontra, finalerdietan. Eta azkenik, Euskal Herriko Txapelketatik kanpo geratu dira Iñigo Urkizu eta Iñigo Labaka Lapkeren kontra 22-2 galdu ondoren.