%17’84ko igoera, 2019ko Udal Aurrekontuak

Azaroaren 8an aurkeztu zu­en Udal Gobernuak 2019ko Udal Aurrekontuaren proposa­me­na Ogasun Batzordean, eta orain, abenduaren 11ra arte dau­kate aukera oposizioko tal­­­deek, hots, EAJ-PNVk, PSE-EEk eta Orain Hernanik, pro­posamena aztertu eta emen­da­kinak aurkezteko. Baita Udal Gobernuak ere, horiek ne­goziatzeko. 

Herenegun, ordea, pren­tsau­­­­rrekoan aurkeztu zituzten Luis Intxauspe alkateak eta Isa San­chez ogasun zinegotziak.

Iaz baino 4.891.000 euro gehiago
Hain zuzen, 32.319.683 euroko aurrekontu proposamena aur­keztu zuen Udal Gobernuak Batzordean: 29.558.280 Udalari dagozkio; 409.871 euro, Ereño­tzuri; eta 2.351.532 euro, Zer­bitzu Sozialetako patronatua­ri. 2018koarekin al­de­ratuta, %17,84ko igoera dau­ka (2018­koa 27.427.709 eurokoa izan zen), hau da, 4.891.000 euro gehiago. 

Intxauspe eta Sanchezek azal­­dutakoaren arabera, haz­kun­de­a­ren arrazoi nagusiak bi dira: «Hernaniri dago­kion Fo­ru Funtsa (Foru Aldun­diak uda­lei ematen dien diru-kopu­rua) 2018ko baino haun­diagoa aurreikusten da (milioi bat euro), eta hirigintza sa­rre­ra ere haundiagoa izango da (3,9 miloi euro)». 

Hirigintza sarrerak Papele­ra Zikuña­garen bigarren fase­ari dago­kion obra zergari; eta Gala­rreta-06 eremuaren urba­ni­za­­zio lanak burutzeko au­rre­iku­­si­tako dotazioak eta bertako lurjabeek egin beha­rreko ekarpenari dagozkie. Di­ru-sarreren %81a dira hauek, eta aurkezpenean nabarmen­du zuten «diru-sarrera horiek ez-ohikoak direla».

«Gehien bat», inbertsioetara
Diru-sarreren hazkundea «ge­hi­en bat» inbertsioetara bi­de­ra­tzeko proposamena egin du Udal Gobernuak, nahiz eta gas­tu arruntetarako ere era­biliko den. Hain zuzen,  4.756.429 euro bi­deratuko di­tuzte inbertsioe­ta­ra, proposa­me­­naren arabera, 2018an baino 2.468.079 euro ge­hiago (%107,85eko hazkun­dea). 

Horietatik 2.776.229 euro in­bertituko dira Galarreta-06-Urbanizazioa egitera (1.577.699 euro), baita Galarretaren sis­tema orokorra berritzera ere (1.198.530 euro). 

Herri jasangarria izatera, erdia baino gehiago
Luis Intxauspe alkateak eta Isa Sanchez zinegotziak azaldu zuten zein atal nabarmen­duko diren 2019ko aurre­kon­tuen proposamenean: «Lege­gintzaldi hasieran adierazi ge­nuen gure herria nola irudi­katzen dugun, nolako herria bultzatu nahi dugun: Hernani aktiboa, jasangarria eta soli­da­rioa nahi dugu».

Horietatik, herri jasanga­rria izatera dagokion atalera bideratuko da aurrekontuaren erdia baino gehiago, hau da, «hirigintza, mugikortasuna, zerbitzu publikoak, tokiko ga­rapena eta ingurumen arloak hobetzera».

Herri aktiboa izatera, hau da, jarduera fisikoa eta kiro­le­ra, hezkuntzara, kulturara, euskera zerbitzura eta herri­tarren parte hartzera, aldiz, %23,21a. Eta azkenik, herri solidarioa izatera (zerbitzu sozialak, berdintasuna, lanki­detza, gazteria, etxebizitza ber­­­­matzeko diru-laguntzak, eta inmigrazioa) %10,86. 

Admi­nistrazioko gainon­tzeko gastuei dagokio­na eta maileguaren ordainke­tari da­gokiona ez da aurre­kon­tuaren %14ra iristen.

INBERTSIO NAGUSIAK
- Galarreta-06-urbanizazioa: 1.577.699 euro.
- Galarreta sistema orokorra: 1.198.530 euro.
-Hernani Erabaki inbertsioak: 500.000 euro.
- Biteri Kultur Etxearen hobekuntzak: 200.000 euro.
- Ikastetxeetako inbertsioak: 150.000 euro.
- Planeamendua-dokumentu teknikoak: 150.000 euro.
- Landa bideak: 100.000 euro.
- Kirol jarduerak: 100.000 euro.
- Kamioia-hondakin organikoak: 100.000 euro.
- Latsunbe-Sorgintxulo oinezkoen bidea: 100.000 euro.
- Karabel aparkalekua: 100.000 euro.
- Irisgarritasun obrak: 75.000 euro. 
- Energia plana: jarduketak: 75.000 euro.
- Inbertsioak-saneamendua: 75.000 euro.
- Inbertsioak-ur hornidura: 50.000 euro.
- Funts bibliografikoa: 44.000 euro.
- Musika Eskola-aire egokitua: 40.200 euro.
- Liburuak kalean: 30.000 euro.
- Informazio-prozesuetarako ekipoak: 25.000 euro.
- Santa Barbara harrobia: 25.000 euro.
- Udaltzaingoa-ibilgailuak: 15.000 euro.
- Trafiko kamerak berritzea: 15.000 euro.
- Kale altzariak: 10.000 euro.
- Bulego altzariak: 6.000 euro.