Abenduaren 9an, datorren larunbatean egingo dute Pariseko martxa, eta joateko, autobusak eta trenak antolatu dituzte. Autobusean apuntatzeko (ostiralean 22:00etan Atsegindegitik), bihar da azkeneko eguna: Garin eta Zinkoenea tabernetan, Peña okindegian eta Lurreko dendan. Jakinarazi dute, prezioa merketu egingo dela, ekintzetan bildutako diruarekin. Trenean joateko, berriz, larunbateko 03:45-04:00 artean egon behar da Hendaian, 04:36etan aterako baita. Hendaiara joateko, autobusa jarri dute Txantxillako rotondatik, 03:10etan.