Portuko San Joan Txikiak ate joka daude ekitaldi ugarirekin

Portuko San Joan Txiki jaiak ate joka daude eta bihar hasiko dira ohiko lorontzi lehiaketa, haur jolas, txokolatada edo­ta sardin jatearekin. 
Hala ere, aurtengoan, uztaila ha­sieran hildako auzotarra izango dute gogoan, modu berezian: Mikel Valdivia Vida, Txapete. Ome­nal­dia egingo diote, eta lorontzi lehiaketari ere bere izena jarri diote. Suziria eguerdiko 12:00etan jaurtiko dute, omenaldia eta gero.

Asto karrerak ez dira faltako
Tacumah Reggea Band eta Potato taldeen eskutik, kon­tzertua eskainiko da bihar eta larunbatean, ohiturari jarra­i­tuz, haur jolasak eta asto karrera izango dira eguneko protagonista bereziak. Laiotz musika taldeak girotuko ditu arratsaldea eta gaua, paila­zoen ondoren eta afalondoren. 

Sagardo dastaketa eta herri kirol desafioa, igandean
Festak borobiltzeko sagardo dastaketa egingo da, ber­tso­la­riek eta trikitilariek girotuta, eta bil­du­ta­ko dirua Pausokari laguntzeko erabiliko da aurten. Toka eta bola txapelketak edo­ta pelota partiduak ere izango dira, baina, arratsaldeko desa­fioak sortuko du ikus­mira ge­hi­en. Talde batean bilduko dira Iker Vicente, Aimar Irigoien, Sergio Roman korrikalaria eta he­rri­ko arraunlari bat. Bestean Ai­tzol Atutxa, Jokin Eizmendi eta Ibai Alba korrikalaria eta beste arraunlari bat.