Egun berezia izanen du Umore Ona elkarteak bihar; Atalen eguna eginen dute. Goizeko 11:00etan hasiko dira ekintzak, eta bazkalostera arte luzatuko da eguna.
ATALEN EGUNA
Egitaraua
11:00, Irumaita txaranga eta Atalen irteera Madalenatik.
11:30, Pilota partiduak Umore Onako pilotarien eskutik.
Ondoren, Umore Ona abesbatza, dantza taldea eta txarangaren
emanaldia herrian zehar.
14:00, bazkaria Umore Ona elkartean.
Bazkal ondoren, dantzaldia Ganddegiko Luixen eskutik.
Atalen irteera, hasteko
Atalen irteerarekin hasiko da eguna. Irumaita txarangarekin batera eginen dute, haien erritmora goizeko 11:00etan hasita, Madalenatik.
Ondoren, orduerdiren ondoren hasiko dira pilota partiduak frontoian. Bertan izanen dira Umore Onako pilotariak. Asteburu honetako pilota jardunaldia izanen da.
Segidan hasiko da herriko eragileen emanaldia. Umore Ona abesbatza, dantza taldea eta txarangak bat eginen dute herrian zehar. Bazkaria eginen dute eguerdiko 14:00etan, eta bukatzeko, dantzaldia izanen da, Ganddegiko Luixen eskutik. Umore Ona elkartearen egun handia da biharkoa.