Jaitsierako postuak aldenduta, igoerako lehiari begira jarri da Mundarro, mutilen Gipuzkoako 1go mailan. Aurreko asteburuan DKSren kantxan irabazita (53-75), zortzigarren daude astigartarrak, hamar garaipenekin.
Hori horrela, bi garaipenera daukate laugarren postua; igoerako final foura jokatzeko aukera ematen duena, hain justu. Lehia horretan sartzeko, gaur daukate irabazteko aukera, etxean. Viento Surren kontra ariko dira, arratsaldeko 18:00etan hasita, Astigarragako kiroldegian.