Gipuzkoako denboraldia bukatuta, Bartzelonara

Joan den asteburuan bukatu zu­ten junior mailako Gipuz­koa­ko errepideko denboraldia, txistulari astigartarrek, Udaz­keneko Kriteriuma jokatuta.
Asteburu honetan, berriz, Trofeu Internacional Ciutat de Barcelona lehiaketaren 13ga­rren edizioan, Miguel Poblet Me­morialean izango da Urko Semperena. 

Hiru etapa ezin gogorragoak, Kriteriumean
Denboraldiari bukaera eman dion Udazkeneko Kriteriuma hiru etapatan jokatu zen lehengo asteburuan, Oñatin.
Aurrenekoak 81 km zituen, eta hiru portu. Parte hartu zuten 132 txirrindularitatik 34k bakarrik lortu zuten metara iristea; horien artean, Urkok; ez, ordea, Telmok. Hain zuzen, Telmo Semperena oso ondo hasi zen, aurreneko portua igotzen hasi ziren ihes egin­dako 8 txirrindulariren artean asrtuta. Baina gailurrera iris­terako, metro batzuk galdu zituen, eta pelotoiak harrapatu zuen. Segidan, hurrengo por­tuan, beste metro batzuk galdu zituen, eta 8 kilometroko hu­rrengo igoeran ikaraga­rriz­ko ahalegina egin bazuen ere, epaileek kaleratu zuten, atze­an geratzeagatik.
Urko Semperena, berriz, pe­lo­toi buru izan zen lasterketa osoan zehar, azken portua igo­tzean 18ko taldea geratu ziren arte. Bukatzeko kilometro ba­ten faltan, ordea, beste ki­lo­me­tro bat gehitu zioten las­terketari, eta aurreneko pos­tuari ezin eutsita, bos­garren bukatu zuen.
Bigarren etapa igande goi­zean jokatu zuten: 55 km eta 5 portu puntuagarri, ibilbide motz baina gogorrean. Parte hartu zuten 110 txirrin­du­la­ri­ta­tik 54 izan ziren sailkatzea lortu zutenak. 52garrena izan zen, hain zuzen, Telmo. Urko, berriz, 11garren postuan sartu zen, eta orokorrean 10garren bukatu zuen.
Segidan, sailkapen oroko­rre­rako balio ez bazuen ere, erlojupekoa jokatu zuten bi­ga­rren etapa bukatu zuten 54 txirrindulariek.

Bartzelonan, elite mailakoak
Kriteriuma bukatuta, bes­te­la­ko zita bat daukate asteburu honetan txirrindulariek: Tro­feu Internacional Ciutat de Bar­celona, Miguel Poblet Me­moriala. Bertan, Gipuzkoako ordezkari moduan izango da Urko Semeperena, Imanol Isasa oiartzuarrarekin batean. UCI-C2 mailako aurreneko lehia ofiziala izango da ast­igartarrarentzat.
Oraindik junior mailakoa bada ere, gonbidatu moduan joango dira, Munduko Kopa­ra­ko puntuak biltzeko balio duen nazioarteko mailako proba honetara. Elite mailako mundu osoko pistako txi­rrindulari onenen aurka ariko dira.