Berreskuratu egingo dute aurten, iñude eta artzaien konpartsa

Berezia izango da aurten, Asti­garragako Inauteri igandea: iñude eta artzaien konpartsa berreskuratu nahi izan du Astigar dantza taldeak, eta martxoaren 3an aterako dira.

Ergobiako plazatik abiatuko da desfilea, goizeko 11:30etan, eta herria zeharkatu ondoren, Joseba Barandiaran plazara iritsiko dira, 12:30etan. Bertan, plaza dantza saioa eskainiko dute, herritar guztientzat.

Astigar taldeko dantzariek antzeztu eta dantzatuko dute iñude eta artzaien paperean; baina kalejiran parte hartzea, irekia izango da, garaiko jan­tziekin mozorrotuta, zenbait pertsonaia irudikatuz. Horre­ta­­rako, gainera, jantziak ba­na­tuko ditu Astigarrek, nahi du­ten guztientzat, bere egoitzan.

Antzerkiari laguntzeko, nos­ki, musikarik ez da faltako: txaranga, danborrada, txistulariak, trikitilariak...

Azkeneko urteotan Goizue­ta, Oria eta Lantzeko inauteriak Astigarragara ekarri ondoren, Astigarrek berreskuratu nahi izan ditu iñude eta artzaiak, partehartze zabalagoa eskain­tzen baitute.