Datozen asteetan hasiko da Udala Arrobitxulo harrobiaren egonkortze lanekin. «Auzoaren urbanizazioan eragina izan dezaketen lur-jausi txikiak gertatzen dira bertan», Udalak azaldu duenez, eta horregatik egingo dira lanak, «ingurua behar diren segurtasun neurriekin erabili dadin».
Eremuaren egonkortze lan hauek hiru bat hilabeteko iraupena izango dutela aurreikusi du.
Herri Eskolako eraikin berria eta igogailua, gero
Lurra egonkortzeko lan hauek ondorengo obra batzuk ere ahalbidetuko dituela gehitu du Udalak; hain zuzen, igogailuarena eta Herri Eskolako eraikin berriarena.
Egonkortze lanak bukatutakoan «igogailuaren ejekuzio proiektua eskatuko» du Udalak.
Behin lanak bukatuta, Udalak «Irisgarritasun Planean aurreikusitako igogailuaren ejekuzio proiektua eskatuko» du. Honi esker, Arrobitxulo auzoa Herri Eskolarekin eta kiroldegiarekin lotuko da, etorkizunean.
Horrez gain, eremua egonkortzeko lan hauek baliagarriak izango dira, «Herri Eskolako etorkizuneko eraikin berria eraikitzeko».