Dantzari txikiak, eguzki izpien erritmora

Eguzki-izpiak atera bezala, hartu zituzten kaleak igandean Astigar Dantza Taldeko txikienek, Hernani, Antiguo eta Añorgakoekin batera. Dantzari Txiki Eguna ospatu zuten denek elkarrekin eguerdian, eta kalejiran zeharkatu zuten herria, txistulari, trikitilari eta pandero-joleekin batera. Eta arratsaldean ere, izan zuten zerekin gozatua, puzgarriak eta mota askotako jolasak jarri baitzituzten 
eskuragarri Foru Plazan.